Matriculación do novo alumnado 2026-2027

ATENCIÓN: Só para alumnado que figure nas correspondentes Listas de Admitidos para o curso 2026-2027.

Para formalizar a matrícula deberán presentar, na escola municipal correspondente, o xustificante de ter realizado o pagamento da matrícula (segundo o establecido na Ordenanza 40 da Ordenanzas de Tributos e prezos Públicos 2026, descargar en PDF), ou ben, xustificante de ter presentado no Rexistro Xeral, a correspondente solicitude de exención de taxas (descargar PDF), xunto coa documentación correspondente. O prazo para estes trámites é do 24 ao 30 de setembro de 2026.

Para o pagamento da matrícula, deberá acceder á Sede electrónica do Concello de Vigo a través deste enlace: https://sede.vigo.org/expedientes/formularios/autoliq_escuelas_municipales.jsp e, seguindo as instruccións, poderá facer o pago electrónico ou ben xerar a folla de autoliquidación que deberá presentar nunha entidade financeira para efectuar o pagamento. O xustificante de ter realizado este proceso de pago, en calquera das súas formas, será o que deberá presentar, no prazo indicado, na escola correspondente.

Para solicitar a exención no pago das taxas, se considera que cumpre cos requisitos establecidos na citada Ordenanza 40, deberá presentar no Rexistro Xeral do Concello de Vigo, mediante o modelo normalizado e acompañado da documentación que se indica, a correspondente solicitude. Copia do impreso, coa constatación da súa presentación no Rexistro, será o que deberá presentar, no prazo indicado, na escola correspondente.

É importante que no formulario da Sede electrónica, se introduza o nome da persona que se matricula, escrito exactamente igual ao que aparece nos seguintes listados, un DNI asociado á persoa que se matricula (ben sexa o DNI da mesma persoa ou da súa nai, pai ou titores/titoras), e se seleccione a especialidade ou itinerario correspondente.

• PDF: Alumnado de novo ingreso admitido da E.M. de Música (EMMV)
• PDF: Alumnado de novo ingreso admitido da E.M. de Música Folk e Tradicional (ETRAD)
• PDF: Alumnado de novo ingreso admitido da E.M. de Danza (EMD)
• PDF: Alumnado de novo ingreso admitido da E.M. de Teatro (EMT)